ប្រពន្ធបញ្ជូនប្តី ចូលគុកបន្ទាប់ពី វាយដំប្តីរួច

សៅរ៍ ២១ ធ្នូ, ២០១៣ ម៉ោង ០៨:៤៣

ប្រភពមកពី khmer load: បុរសម្នាក់ត្រូវបានប្រពន្ធ វាយនឹងឈើខ្លីមួយដើម នៅពេលដែលគាត់ ប្រយុទ្ធនឹងប្រពន្ធ របស់គាត់។ ប៉ូលីសក្នុងទីក្រុង Bartlesville រដ្ឋ Oklahoma បានបញ្ចូនពួកគេ ទៅកន្លែងសំរួលអំពើហឹង្សា រវាងប្តីនិងប្រពន្ធនេះ។ ប៉ូលីសបានទទួលទូរស័ព្ទពីស្ដ្រីជាប្រពន្ធ តែពេលដែលប៉ូលីសទៅដល់កន្លែងកើតហេតុ បែរជាឃើញបុរសជាប្ដី រងរបួសយ៉ាងធ្ងន់ធ្ងរទៅវិញ។

លោក Derrick Maynard អាយុ៣២ឆ្នាំ ត្រូវបានចាប់ខ្លួន ដោយចាប់ចោទក្នុងបទ ប្រើអំពើហិង្សាក្នុងគ្រួសារ រវាងប្ដី និងប្រពន្ធ ព្រោះគេជាអ្នកផ្ដើមចង់វាយធ្វើបាបស្ដ្រីជាប្រពន្ធមុន។ ប្រពន្ធរបស់លោក Maynard បានប្រាប់ប៉ូលីសថា គាត់បានវាយប្ដីរបស់គាត់ ដើម្បីការពារខ្លួន។

យោងតាមប្រភពព័ត៌មាន បានឲ្យដឹងថា លោក Maynard បានផឹកស្រាស្រវឹង ពេលដែលមកដល់ផ្ទះ ក៏បានស្រែកឡូឡា ហើយគប់ប្រដាប់បញ្ជាម៉ាស៊ីនហ្គេម Wii ទៅលើប្រពន្ធ ហើយថែមទាំងដកកាំភ្លើងខ្លី ផ្ជង់ក្បាលស្ដ្រីជាប្រពន្ធថែមទៀត។ នៅពេលដែលគេមិនប្រយ័ត្ន នាងក៏បានធាក់គាត់ជាច្រើនជើង និងយកដំបងវាយចំភ្នែករបស់គាត់។

ពេលនេះ ជនល្មើសត្រូវបានជាប់ពន្ធនាគារ ចំនួន ៥២សប្ដាហ៍ ឬ បង់ប្រាក់ពិន័យ ២៥,០០០ដុល្លារ។

តើប្រិយមិត្តយល់យ៉ាងណាចំពោះករណីនេះ?