មិនទាន់វះកាត់កែសម្ផស្ស ស្អាតយ៉ាងនេះទៅហើយ ចុះទំរាំកែសម្ផស្សទៀត លទ្ធផលទៅជាយ៉ាងណាវិញ?

ប្រភពមកពី khmerload: 

នៅលើប្រព័ន្ធអ៊ិនធើណេត នាពេលថ្មីៗនេះ កំពុងតែមានការចាប់អារម្មណ៍ទៅលើ នារី ជាអ្នករាយការណ៍ព័ត៌មានម្នាក់ បម្រើការងារ ឲ្យស្ថានីយ៍ទូរទស្សន៍មួយ ក្នុងប្រទេសកូរ៉េខាងត្បូង។

យ៉ាងណាមិញ ឈ្មោះរបស់ អ្នករាយការណ៍ព័ត៌មានស្រី ដ៏ស្រស់ស្អាតរូបនេះ មិនត្រូវបាន បង្ហើបឲ្យដឹងនោះទេ។ រូបថតរបស់នាង ត្រូវបាន គេបង្ហោះព្រោងព្រាត លើបណ្តាញសារព័ត៌មាននានា និងទទួលបាន ការបញ្ចេញមតិរិះគន់ ជាច្រើន។

អ្នកប្រើប្រាស់អ៊ិនធើណេត ជាច្រើន មានការភ្ញាក់ផ្អើល លើការសំរេចចិត្ត វះកាត់កែសម្ផស្ស របស់នាង ដោយភាគច្រើន យល់ឃើញថា សម្រស់របស់នាង មុនពេលវះកាត់ មានលក្ខណៈស្អាត បែបធម្មជាតិទៅហើយ មិនគួរណាធ្វើការវះកាត់ យ៉ាងដូច្នេះនោះទេ។

បើយោងទៅតាមប្រភព បានឲ្យដឹងថា មូលហេតុដែលនាង ធ្វើការវះកាត់កែសម្ផស្សនេះ ព្រោះតែចង់បាន ចង្កាស្រួច និង មានទំរង់មុខបេះដូង៕

សូមប្រិយមិត្តទស្សនារូបភាពខាងក្រោម៖

ប្រិយមិត្តថាទៅមើល តើមុនពេល និង ក្រោយពេល វះកាត់ មួយណាស្អាតជាង?

ប្រភព៖ បរទេស

Read More

សាហាវ! បុរសខ្មែរ ម្នាក់ត្រូវគេចាក់ ធ្លាយពោះវៀន គួរឲ្យស្លុត

ប្រភពមកពី khmerload: វីដេអូដ៏សាហាវមួយ ដែលបានកើតឡើង នៅក្នុងប្រទេសកម្ពុជា នាពេលថ្មីៗនេះ ត្រូវបានគេចែកចាយនៅក្នុងប្រភពហ្វេកប៊ុក ដែលមើលហើយប្រហែល ជាលេបបាយមិនចូលនោះទេ។

យ៉ាងណាមិញ វីដេអូដែលមានចំនងជើងថា (ព្រឹត្តិការណ៍សំខាន់ៗ បុរស វ័យកណ្ដាលម្នាក់ត្រូវជន មិនស្គាល់មុខចាក់ សម្លាប់ធ្លាយចេញពោះវៀន....) ត្រូវបានគេបញ្ចូលទៅក្នុង គេហទំព័រហ្វេកប៊ុក។ សម្រាប់ហេតុការណ៍នេះផ្ទាល់ កើតឡើង នៅក្នុងប្រទេសកម្ពុជា ដែលទីតាំងមិនបានបញ្ជាក់ ឲ្យបានច្បាស់លាស់នោះទេ។ តែរូបភាពរបស់ជនរងគ្រោះ ពិតជាគួរឲ្យស្លុត និងសាហាវយ៉ាងក្រៃលែង មិនដឹងជាពេលនេះ មានស្ថានភាពបែបណានោះទេ ខណៈពេលដែលមូហេតុពិតប្រាកដ ដែលបង្កឲ្យមានហេតុការណ៍នេះ ក៏មិនបានដឹងនោះដែរ។

បើសិនជាបងប្អូនដឹង ពីហេតុការណ៍ពិតប្រាកដ សូមជួយបញ្ចេញមតិទាំងអស់គ្នា៖

ប្រភពពី ហ្វេកប៊ុក

Read More

នគរបាល ឃាត់ខ្លួនអ្នក ទិញ និង អ្នកលក់ម៉ូតូចោរ

ប្រភពមកពីkhmerload:  បាត់ដំបងៈ កម្លាំងនគរបាល ការិយាល័យ ព្រហ្មទណ្ឌ កម្រិតធ្ងន់ ធ្វើការស្រាវជ្រាវ ឈានដល់ ធ្វើការឃាត់ ខ្លួនអ្នកទិញ និងអ្នកលក់ម៉ូតូចោរ ជាបន្តបន្ទាប់ កាលពីថ្ងៃទី២៧ និង២៨ ខែមករា ឆ្នាំ២០១៤ នៅតាមដង ផ្លូវនាំយកមកសាកសួរ ។

លោក អូន ហ្វៃ នាយរងការិយាល័យ ព្រហ្មទណ្ឌកម្រិតធ្ងន់ បានឲ្យដឹងថា បន្ទាប់ពីបាន ទទួលពាក្យ បណ្តឹង ពីជនរងគ្រោះកន្លងមក កម្លាំងសមត្ថកិច្ចបាន ចុះស្រាវជ្រាវ ឈានដល់ធ្វើការ ឃាត់ខ្លួនជន សង្ស័យបាន២នាក់ លើកទី១ឈ្មោះ ផល វិចិត្រ ហៅបារាំង ភេទប្រុស អាយុ៣០ឆ្នាំ មានទីលំនៅភូមិ សំរោងតាកុក ឃុំសំរោងក្នុងស្រុកឯកភ្នំ បានឃាត់ ខ្លួនបានកាលពីវេលា ម៉ោង៣រសៀលថ្ងៃទី២៧ ខែមករា ឆ្នាំ២០១៤ នៅតាមដងផ្លូវនាំយកមកការិយាល័យជំនាញ ដើម្បីសួរនាំ (ជនដៃដល់ គាស់ផ្ទះលួចម៉ូតូគេ) យកចម្លើយបាន ទើបឈានដល់ ទៅចាប់ខ្លួន ជនសង្ស័យម្នាក់ទៀត កាលពីវេលាម៉ោង ៣ទៀបភ្លឺថ្ងៃទី២៨ ខែមករា ឆ្នាំ២០១៤ នៅតាមផ្លូវគឺឈ្មោះ ការីម វាសនា ហៅទី ភេទប្រុស អាយុ៣០ឆ្នាំ រស់នៅភូមិ .ឃុំនរា ស្រុកសង្កែ (ជាអ្នកទិញម៉ូតូចោរ) ១គ្រឿង ២៥០ដុល្លារ ។

បន្ទាប់ពីបានសាកសួរចម្លើយរួច ជនសង្ស័យ (ចោរគាស់ផ្ទះ) បានឆ្លើយសារភាពថា ខ្លួនបានគាស់ផ្ទះគេ លួចម៉ូតូបាន ចំនួន២ លើក នៅខែធ្នូ ឆ្នាំ២០១៣ បាន១គ្រឿង និងលើកចុងក្រោយ ខែមករា ឆ្នាំ២០១៤ បាន១គ្រឿងទៀត ដោយអ្នកទទួលទិញ ត្រូវបាន សមត្ថកិច្ចឃាត់ខ្លួន ខាងលើ ។ ឯជនរងគ្រោះមានឈ្មោះ ស៊ីន ផល្លា ភេទស្រី អាយុ៤១ឆ្នាំ រស់នៅភូមិ អូរតាគាំ១ សង្កាត់ទួលតាឯក ក្រុងបាត់ដំបង ។

បច្ចុប្បន្នមន្រ្តី ជំនាញបានកសាងសំណុំរឿង បញ្ជូនខ្លួនជនសង្ស័យទាំង២នាក់ ទៅសាលាដំបូងខេត្ត នៅរសៀលថ្ងៃទី២៨ នេះដើម្បីចាត់ការ តាមច្បាប់។ ចំណែកម៉ូតូ១គ្រឿង សមត្ថកិច្ចបានប្រគល់ ឲ្យទៅម្ចាស់ដើមវិញហើយ៕

ផ្តល់សិទ្ធដោយ ដើមអម្ពិល

Read More

តារាល្បីហូលីវូដ Justin Bieber ចេញពីគុក ទាំងទឹកមុខញញឹម

ប្រភពមកពី khmerload:     ខណៈពេលដែល តារាច្រៀងវ័យក្មេងមុខស្រស់ សម្បូរស្នេហ៍ Justin Bieber ត្រូវដោះលែង ចេញពីពន្ធនាគារ Turner Guilford Knight Correctional Center នៅទីក្រុង Miami រដ្ឋ Florida សហរដ្ឋអាមេរិក គឺមានអ្នកគាំទ្រជាច្រើន រងចាំស្វាគន៍នៅខាងក្រៅពន្ធនាគារ កាលពីថ្ងៃទី២៣ ខែកមរា ២០១៤។
Justin Bieber ត្រូវបានប៉ូលីសចាប់ខ្លួន កាលពីព្រឹកថ្ងៃព្រហស្បតិ៍ ទី២៣ ខែមករា ២០១៤ ពីបទបើកបរហួសល្បឿនកំណត់ និងប្រណាំងរថយន្ដខុសច្បាប់ (Drag Racing) លើសពីនេះប័ណ្ណបើកបរហួសថ្ងៃកំណត់។ Justin ត្រូវបានប៉ូលីសឃាត់ខ្លួន និងបញ្ជូនទៅកាត់តុលាកា នៅវេលាថ្ងៃត្រង់នៃថ្ងៃកើតហេតុ ដោយត្រូវពិន័យជាប្រាក់ ២,៥០០ដុល្លារ តែ Justin ក៏ត្រូវបានដោះលែងវិញ នៅថ្ងៃដដែលផងដែរ។
ពេលដែល Justin ចាក់ចេញពីពន្ធនាគារ គេបានឡើងអង្គុយលើ រថយន្ដខ្មៅរបស់គេ ដើម្បីលាដល់អ្នកគាំត្រទាំងឡាយ ដែលបានមកជូនដំណើរ។
សូមទស្សនារូបភាពខាងក្រោម៖

រថយន្ដរបស់ Justin Bieber មានពណ៌លឿង







ប្រភព៖ huffingtonpost
កែមស្រួលដោយ tOmAto
ខ្មែរឡូត

Read More

វីដេអូ៖ គួរឲ្យអាណោចអាធម៌ គ្រោះថ្នាក់ចរាចរណ៍ឆក់យកជីវិត មនុស្សដោយស៊ីផុយ

ប្រភពមកពី​ khmerload:          ជាការពិតណាស់ គ្រោះថ្នាក់ចរាចរ បានឆក់យកអាយុជីវិតអ្នកដំណើរ អស់ជាច្រើន ដែលភាគច្រើនបណ្តាលមកពី កត្តាខ្វះភាពប្រុងប្រយ័ត្ន និង មិនគោរពច្បាប់ចរាចរ តែម្តង។
យ៉ាងណាមិញ ខ្មែរឡូតសូមបង្ហាញជូននូវ វីដេអូឃ្លីបមួយ ដែលបង្ហាញពីលទ្ធផល សំរាប់អ្នកដែលបានជួបគ្រោះថ្នាក់ចរាចរ ថាតើពួកគេមានសភាពបែបណាខ្លះ។ វីដេអូឃ្លីបនេះ បានទទួលការចាប់អារម្មណ៍យ៉ាងខ្លាំង នៅលើបណ្តាញសង្គមហ្វេសប៊ុក ហើយអ្នកប្រើប្រាស់ ហ្វេសប៊ុក បានធ្វើការ Share បន្តជាច្រើន ដើម្បីចែករំលែក ដល់មិត្តភក្តិ បងប្អូន របស់ពួកគេ បានឃើញពីលទ្ធផល នៃការធ្វេសប្រហែស ខណៈពេលបើកបរ។
ទោះជាយ៉ាងណា នេះគ្រាន់តែជាវីដេអូឃ្លីបមួយ ដើម្បីជាការ ដាស់ស្មារតី ដល់អ្នកបើកបរគ្រប់រូប ឲ្យមានការប្រុងប្រយ័ត្ន ឲ្យបានខ្ពស់។ ចូលរួម ពាក់មួកសុវត្ថិភាព ខ្សែក្រវ៉ាត់សុវត្ថិភាព ឲ្យបានត្រឹមត្រូវ និង គោរពច្បាប់ចរាចរ ភ្លើងសញ្ញាចរាចរ ស្លាកសញ្ញាចរាចរ ទាំងអស់គ្នា ដើម្បីសុវត្ថិភាពរបស់យើងទាំងអស់គ្នា និង កាត់បន្ថយ គ្រោះថ្នាក់ចរាចរ៕
នៅក្នុងវីដេអូឃ្លីប ខាងក្រោមនេះ បង្ហាញពី នារីជនជាតិថៃ ២រូប បានជួបគ្រោះថ្នាក់ចរាចរ ខណៈពួកនាង ធ្វើដំណើរតាមម៉ូតូ។ សូមប្រិយមិត្ត ទស្សនាវីដេអូឃ្លីប៖


តើប្រិយមិត្ត មានមតិយោបល់យ៉ាងណាដែរ?

Read More

បើករថយន្ត លុច្សស៊ីស បុកគូទរថយន្ត កុងតឺន័រ យ៉ាងពេញ ទំហឹង គាបស្លាប់ក្នុងរថយន្ត

ប្រភពមកពី​ khmerload:                          ភ្នំពេញ ៖ គ្រោះថ្នាក់ចរាចរ ដ៏រន្ធត់មួយ បានកើតឡើង នៅលើស្ពានព្រែកព្នៅប៉ែកខាងកើត ស្ថិតក្នុងសង្កាត់ ព្រែកតាសេក ខណ្ឌប្ញស្សីកែវ កាលពីវេលា ម៉ោង៦ល្ងាចថ្ងៃទី២៣ ខែមករា ឆ្នាំ២០១៤ ។ នគរបាលមូលដ្ឋានបានឲ្យដឹងថា រថយន្តបង្ក ម៉ាកលុច្សស៊ីស RX300 ពណ៌ទឹកមាស ពាក់ស្លាកលេខ ភ្នំពេញ 2N-2169 បើកបរដោយបុរស ចំណាស់ម្នាក់ បានបើកទៅបុក រថយន្តដឹកកុងតឺន័រ ១គ្រឿង ពាក់ស្លាកលេខ ភ្នំពេញ 3A-8966 ពីក្រោយពេញទំហឹង បណ្តាលឲ្យរួញ គាបជាប់អ្នកបើកបររថយន្តលុច្សស៊ីស ស្លាប់ក្នុងរថយន្តតែម្តង ។
សាក្សីឃើញហេតុការណ៍ផ្ទាល់ភ្នែក បានឲ្យដឹងថា មុនកើតហេតុគេបានឃើញរថយន្ត លុច្សស៊ីសខាង លើនេះ បាន ធ្វើដំណើរឡើង លើស្ពានព្រែកព្នៅ ក្នុងល្បឿនលឿន ពីទិសដៅកើតទៅលិច ដោយជនរងគ្រោះព្យាយាម បើករថយន្តវ៉ារថយន្តមួយគ្រឿងទៀត ដែលកំពុងបើកស្របគ្នា ខណៈនោះក៏មាន រថយន្តមួយគ្រឿង មិនស្គាល់ម៉ាក ធ្វើដំណើរបញ្ច្រាសគ្នា ជាមួយនិងរថយន្តលុច្សស៊ីស ហើយជនរងគ្រោះ បានបួងចង្កូតជ្រុល ទៅបុកគូទរថយន្តកុងតឺន័រ ដែលបើកស្របគ្នាយ៉ាងពេញ ទំហឹងបណ្ដាលឲ្យ រថយន្តលុច្ស ស៊ីសផុងរួញ គាបជាប់អ្នកបើកបរក្នុងរថយន្តស្លាប់ភ្លាមៗ នៅនិងកន្លែងកើតហេតុយ៉ាងអាណោចអាធ័ម។
ក្រោយកើតហេតុ សមត្ថកិច្ចបានចុះមកដល់កន្លែង កើតហេតុនិងធ្វើការទំនាក់ទំនង ទៅក្រុមគ្រួសារ ជនរងគ្រោះ ប្រហែលជា២០នាទី ក្រុមគ្រួសារជនរងគ្រោះ បានទទួលដំណឹង ហើយក៏មកដល់ កន្លែងកើតហេតុ។
នគរបាលបានបន្តថា  ជនរងគ្រោះជាម្ចាស់រថយន្ត លុច្សស៊ីខាងលើនេះ ដែលស្លាប់នៅក្នុងរថយន្តមានឈ្មោះ មុំ វៃ ភេទប្រុស អាយុ ៦៨ឆ្នាំ មានទីលំនៅភូមិគ្រួស សង្កាត់សំរោង ខណ្ឌសែនសុខ មានមុខរបរ ជាអ្នកធ្វើនំបញ្ចុក ។
ក្រោយកើតហេតុ សមត្ថកិច្ច បានឱ្យរថយន្តស្ទូច និងទាញយកសព ជនរងគ្រោះ ប្រគល់ជូនក្រុមគ្រួសារ ដើម្បីរៀបចំ ធ្វើបុណ្យតាមប្រពៃណី ចំពោះរថយន្តទាំង២គ្រឿង សមត្ថកិច្ចយកទៅរក្សាទុកនៅការិយាល័យចរាចរជើងគោក រង់ចាំការដោះស្រាយ តាមនីតិវីធីច្បាប់ ។
គួរបញ្ជាក់ដែរថា គ្រោះថ្នាក់ចរាចរណ៍ ដែលបណ្ដាលឲ្យមនុស្សស្លាប់ បាត់បង់ជីវិត បែបនេះ បណ្ដាលមក ពីការបើកបរ ក្នុងល្បឿនលឿន ហើយខ្វះការប្រុងប្រយ័ត្ន មួយពព្រិចភ្នែកធ្វើឲ្យប៉ះពាល់ អាយុជីវិត អ្នកដ៏ទៃនិងខ្លួនឯង៕








ផ្តល់សិទ្ធដោយ ដើមអម្ពិល

Read More

រថយន្ត​កុង​តឺន័រ​បុក​ម៉ូតូ​មន្ត្រី​យោ​ធា ស្លាប់​២នាក់ កណ្តាល​យប់​នៅ​ក្រុង​ព្រះសីហនុ​​

ខេត្តព្រះសីហនុ ៖ បុរស២នាក់ដែលគេស្គាល់ថា ជាមន្ត្រីយោធានៅព្រះវិហារ បានស្លាប់នៅនឹង កន្លែងយ៉ាងអាណោចអាធម័ ក្នុងហេតុការណ៍គ្រោះថ្នាក់ ចរាចរណ៍មួយ បង្កឡើងដោយរថយន្តដឹកទំនិញ បុកគ្នាជាមួយឌ្រីមសេ១២៥ ជិះគ្នា២នាក់ កាលពីវេលាម៉ោង១០និង៣០នាទីយប់ថ្ងៃទី២១ មករា នៅចំណុចមន្ទីររ៉ែ និងថាមពល ស្ថិតក្នុងភូមិ១ សង្កាត់លេខ១ ក្រុងព្រះសីហនុ ។

តាមសមត្ថកិច្ចបានឱ្យដឹងថា អ្នកដែលស្លាប់ ១-ឈ្មោះ លេស យ៉ា ភេទប្រុស អាយុ២៤ឆ្នាំ និង២-ឈ្មោះ អាំ ភេទប្រុស អាយុ២៦ឆ្នាំ ទាំង២នាក់ជាមន្ត្រីយោធានៅខេត្តព្រះវិហារ មានទីលំនៅក្រុមទី២២ ភូមិដូនលយ ឃុំបឹងតាព្រហ្ម ស្រុកព្រៃនប់ ជិះម៉ូតូម៉ាកឌ្រីមសេ១២៥ ស៊េរី ។ ប្រភពបន្តថា ចំពោះហេតុការណ៍គ្រោះថ្នាក់ចរាចរណ៍នេះ ពុំមានអ្នកណាម្នាក់បានឃើញ ពិតប្រាកដនោះទេ ប៉ុន្តែបើពិនិត្យស្លាកស្នាមកន្លែងកើតហេតុ សមត្ថកិច្ចអាចសន្និដ្ឋានថា មុនពេលកើតហេតុ ម៉ូតូនិងរថយន្តកុងតឺន័រ បើកបញ្ច្រាសទិសគ្នា ដោយខាងម៉ូតូបើកចេញពីក្រុងព្រះសីហនុ ចំណែករថយន្តបើកចូលក្រុងព្រះសីហនុ ។

ប្រភពឱ្យដឹងទៀតថា លុះដល់ចំណុចកើតហេតុ រថយន្តបានរេចង្កូតចូលមកផ្លូវអទិភាព របស់ម៉ូតូបុកពេញទំហឹងតែម្តង បណ្តាលឱ្យអ្នកជិះម៉ូតូស្លាប់នៅនឹងកន្លែង។ រថយន្តបង្កម៉ាកកាម៉ាស ពណ៌ទឹកសមុទ្រ ពាក់ស្លាកលេខ តាកែវ 3A-0860 ក្រោយពីកើតហេតុ អ្នកបើកបររត់គេចខ្លួនបាត់ ៕

  ប្រភពមកពី khmer load

Read More

ជិះម៉ូតូឌុបគ្នា៣នាក់​ រវល់ងាកក្រោយ ​ងាកមកវិញ​ គេចជង្ហុកបុកចូលផ្ទះអ្នក​ភូមិ​ របួសទំាង៣

ខេត្តបាត់ដំបង៖ បុរសម្នាក់ជិះម៉ូតូម៉ាកគ្លីក ព៌ណស ពាក់ស្លាកលេខ 1D 6089 បានជិះឌុបប្រពន្ឋនិងកូនស្រីចេញពីហូបការគេ រវល់តែងាកមក និយាយជាប្រពន្ឋ ពេលងាកត្រឡប់ទៅវិញគេចជង្ហុក ក៏ជ្រុលទៅបុកចូលរបងផ្ទះអ្នកភូមិ បណ្តាលអ្នកបើកបររសន្លប់ រីឯប្រពន្ឋនិងកូនស្រីរបួសធ្ងន់ស្រាល ។

ហេយុការណ៏នេះ បានកើតឡើងនៅម៉ោង ២និង៤២នាទីរសៀលថ្ងៃទី១០ មករា ២០១៤ នៅចំណុចភូមិសុភី១ សង្កាត់រតនៈ ក្រុងបាត់ដំបង ។ នៅពេលនេះ ជនរងគ្រោះ ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកខេត្ត ៕

ប្រភពមកពី khmer loadhttp://www.khmerload.com/news/22052

Read More

យុវជនជំទង់ញៀនថ្នាំម្នាក់ ចាក់ម្តាយខ្លួនឯង និង កាត់ប្រដាប់ភេទខ្លួនឯងចោលថែមទៀត (មានវីដេអូ)

អង់គ្លេស៖ ហេតុការណ៍ដ៏មិននឹកស្មានមួយ បានកើតឡើង នៅក្នុងប្រទេសអង់គ្លេស បណ្តាលឲ្យយុវជនជំទង់ រួមជាមួយម្តាយរបស់គេ ត្រូវបាន បញ្ជូនទៅសង្គ្រោះ នៅឯមន្ទីរពេទ្យ។
យោងតាមប្រភពព័ត៌មាន បរទេស បានឲ្យដឹងថា ស្រ្តីជាម្តាយ វ័យ ៤៦ឆ្នាំម្នាក់ បានត្រូវរបួស ដោយត្រូវកូនរបស់ខ្លួន ប្រើកាំបិតវាយប្រហារទៅលើ ប៉ុន្តែសំណាងល្អ គ្រាន់តែ ត្រូវរបួសត្រង់ដៃប៉ុណ្ណោះ ខណៈពេល ដែលគាត់ ចូលទៅក្នុងបន្ទប់ ដើម្បីពិនិត្យ មើលកូនប្រុសរបស់ខ្លួន។ បន្ទាប់ពីធ្វើឲ្យម្តាយរបសល់ខ្លួន ត្រូវរបួសហើយនោះ យុវជនញៀនថ្នាំរូបនេះ បែរជាយកកាំបិត មកកាត់ប្រដាប់ភេទ របស់ខ្លួនឯងចោលតែម្តង។
ក្រោយមកស្រ្តីជាម្តាយ ក៏បានទូរស័ព្ទ រាយការណ៍ដល់ប៉ូលីស ហើយពួកគេ ទាំងពីរនាក់ ម្តាយនិងកូន ត្រូវបានបញ្ជូនទៅកាន់មន្ទីរពេទ្យ ដើម្បីសង្គ្រោះបន្ទាន់ ព្រោះរបួសពួកគេ មានសភាពធ្ងន់ធ្ងរ។
តាមការឲ្យដឹងពីមិត្តភក្តិម្នាក់ របស់ក្រុមគ្រួសារនេះ បានប្រាប់ថា ជាធម្មតារូបគេ ជាក្មេងប្រុសឆ្លាត និង គួរឲ្យចូលចិត្តម្នាក់ ប៉ុន្តែមិននឹកស្មានថា រូបគេ បានប្រែក្លាយទៅជាយ៉ាងនេះ ដោយសារគ្រឿងញៀន ទាល់តែសោះ៕
សូមនិយាយថាទេ ចំពោះគ្រឿងញៀន!

រូបតំណាង
តើប្រិយមិត្តយល់យ៉ាងណាដែរ?          ប្រភពមកពី  khmer load

Read More

សិស្សសាលា ត្រូវរថយន្តកុងតឺន័រ កិនបែកក្បាលស្លាប់ យ៉ាងអណោចអាធម៌ (វីដេអូ)

កាលពីយប់ថ្ងៃទី២៨ ខែធ្នូ ឆ្នាំ២០១៣ វេលាម៉ោង ២១ និង៣០នាទី នៅចំនុចផ្លូវបំបែកមុខ កំពង់ផែស្វយ័តក្រុងព្រះសីហនុ ស្ថិតក្នុងភូមិ៣ សង្កាត់លេខ៣ ក្រុងខេត្តព្រះសីហនុ យុវជនម្នាក់ ជាសិស្សសាលា ទាហានកំបូល បានស្លាប់ភ្លាមៗ នៅនឹងកន្លែងកើតហេតុ។
នៅក្នុងហេតុការណ៍នេះ បានឲ្យដឹងថា ជនរងគ្រោះ ជាសិស្សសាលា ទាហានកំបូល បានស្លាប់ភ្លាមៗ នៅនឹងកន្លែងកើតហេតុ ចំណែកមិត្តភក្តិម្នាក់ទៀត បានរងរបួសស្រាល ខណៈដែលបើកម៉ូតូទៅទិញស្រាបៀរ ហើយត្រូវរថយន្តកុងតឺន័រ របស់ក្រុមហ៊ុន តិច ស្រ៊ុន ដឹកទំនិញចេញពី កំពង់ផែស្វយ័តក្រុងព្រះសីហនុ កៀរម៉ូតូ រួចកិនពីលើ ។
យ៉ាងណាមិញ សាកសពជនរងគ្រោះ ត្រូវបានក្រុមគ្រួសារដឹកយកទៅធ្វើបុណ្យតាមប្រពៃណី ឯរថយន្ត និងម៉ូតូបង្កត្រូវបានសមត្ថកិច្ចអូសយកទៅរក្សាទុក នៅការិយាល័យនគរបាលចរាចរណ៍ខេត្ត ដើម្បីចាត់ការតាមច្បាប់។
ជាមួយគ្នានេះ ក៏មានវីដេអូមួយ ដែលបានថតបង្ហាញ ពីសកម្មភាពក្រោយពីមានគ្រោះថ្នាក់ ដែលក្រុមគ្រួសារនៃសព ស្រែកទ្រហ៊ោរយ៉ាងខ្លាំង សូមទស្សនាវីដេអូទាំងអស់គ្នា៖
ប្រភពមកពី khmer load

Read More

ពោះ​គោ​ត្រូវ​គេ​ច្នៃ​ធ្វើ​ម្ហូប​ពិសេស​ថ្មី​ ក្រៅ​ពី​ញ៉ាំ​ជាមួយ​ទឹក​ប្រហុក

ពោះ​គោ​ ជា​សាច់​ដែល​កំពុង​ពេញ​និយម​ខ្លាំង​ ក្នុង​ចំណោម​មុខ​ម្ហូប​ពិសេស​ៗ​ជា​ច្រើន​ទៀត ។ កន្លង​មក​ ពោះ​គោ​នេះ​ត្រូវ​បាន​គេ​និយម​ស្ងោរ​ ញ៉ាំ​ជាមួយ​ទឹក​ប្រហុក។ ចុះ​បើ​ពោះ​គោ​នេះ​យក​ទៅ​ធ្វើ​​ជា​ញាំ ជាមួយ​ត្រយូង​​វិញ តើ​វា​ពិសេស​យ៉ាង​ណា?
ថ្ងៃ​នេះ​ Sabay​ សូម​នាំ​អារម្មណ៍​មិត្ត​យុវវ័យ​មក​​សាកល្បង​​ម្ហូប​​ដ៏​គួរ​ឲ្យ​ស្រក់​ទឹក​មាត់​មួយ​មុខ​ នោះ​គឺ​ “ពោះ​គោ​ញ៉ាំ​ត្រយូង​ចេក​ពិសេស”។

ពោះ​គោ​ញ៉ាំ​ត្រយូង​ចេក​ពិសេស

គ្រាន់​តែ​ឃើញ​ត្រឹម​រូប​ភាព​ក៏​ទ្រាំ​មិន​ ចង់​បាន​ទៅ​ហើយ​ ចុះ​ទម្រាំ​បាន​ញ៉ាំ​ទៀត​​ មិន​ដឹង​ជា​ឆ្ងាញ់​យ៉ាង​ណា​ទេ​នៀក។​ សាច់​ពោះ​គោ​ស្វិត​​ យក​មក​ញាំ​ច្របល់​​ចូល​គ្នា​ជាមួយ​ គ្រឿង​ផ្សំ​​គ្រប់​មុខ​ កាន់​តែ​ពិសេស​ថែម​ទៀត​ នៅ​ពេល​ដែល​​លាយ​ស្លឹក​​ជី​​​ ហើយ​នឹង​ត្រយូង​ចេក​ បាន​ធ្វើ​ឲ្យ​មុខ​ម្ហូប​គ្រឿង​ក្នុង​មួយ​នេះ​​មាន​រសជាតិ​​មិន​អាច​បំភ្លេច​ បាន​ឡើយ។

តែ​ប៉ុណ្ណឹង​នៅ​មិន​ទាន់​អស់​ទេ​ បើ​ពិនិត្យ​ឲ្យ​គ្រប់​ជ្រុង​ជ្រោយ​​ទៅ ​​​មិត្ត​យុវវ័យ​ច្បាស់​ជា​ឃើញ​គ្រាប់​សណ្ដែក​ដី​ ដែល​រោយ​ពី​លើ​​ រួម​ជាមួយ​នឹង​ម្ទេស​ហិល​ៗ​ ហាន់​ដាក់​ពី​លើ​មួយ​គ្រាប់​ៗ​ថែម​ទៀត​ផង​ ធ្វើ​ឲ្យ​រសជាតិ​កាន់​តែ​ពិសេស​ខ្លាំង​ណាស់​។

នៅ​ពេល​ដែល​យក​ចង្កឹះ​ចាប់​ផ្ទាប់​យក​សាច់​ពោះ​គោ​ និង​បន្លែ​​គ្រប់​មុខ​ យក​មក​ដាក់​ក្នុង​មាត់​ ទើប​ដឹង​ថា​ អណ្ដាត​ច្បាស់​ជា​គន្លាស់​ឥត​ឈប់​ ដោយ​សារ​តែ​​ឥទ្ធិពល​​​រសជាតិ​ញាំ​ពោះ​គោ​នេះ​មិន​ខាន។
មិត្ត​យុវវ័យ​អាច​ស្វែង​រក​​មុខ​ម្ហូប​នេះ​​​តាម​ហាង​មួយ​ចំនួន​ នៅ​ម្ដុំ​ព្រែកលៀប​ ដោយ​តម្លៃ​ក្នុង​មួយ​ចាន​ថ្លៃ​១៣០០០​​រៀល៕

-អត្ថបទ៖ “មីនុយ​មុខ​ម្ហូប​នៅ​ខេត្ត​សៀមរាប​ មើល​ហើយ​ធានា​ថា ​ផ្ទុះ​សំណើច​មិន​ខាន!“                ប្រភពមកពី sabay

Read More

គូស្នេហ៍ស្មោះស្ម័គ្រ អាយុកាល ៣៥០០ឆ្នាំ ត្រូវបានអ្នកវិទ្យាសាស្រ្ត រកឃើញ

កាលពីពេលថ្មីៗនេះ អ្នកវិទ្យាសាស្រ្ត បានរកឃើញនូវ គ្រោងឆ្អឹងបុរាណដ៏អាថ៌កំបាំង មួយចំនួន ដែលមានអាយុកាល រហូតដល់ទៅ ៣៥០០ឆ្នាំឯណោះ។
គ្រោងឆ្អឹងមនុស្សប្រុស និង មនុស្សស្រី បែរមុខដាក់គ្នា និង កាន់ដៃគ្នា ក្នុងផ្នូរតែមួយ ដែលត្រូវបានសន្នត់ថាជា គូស្នេហ៍ ឬ ប្តីប្រពន្ធ ដែលពួកគេ ត្រូវបានបញ្ចុះជាមួយគ្នា។ គ្រោងឆ្អឹងទាំងនោះ ត្រូវបានរកឃើញនៅទីបញ្ចុះសពបុរាណ មួយកន្លែង ក្នុងភូមិ Staryu Tartas នៃប្រទេស ស៊ីប៊េរី។
អ្នកវិទ្យាសាស្រ្ត របស់ប្រទេសរុស្ស៊ី កំពុងតែបន្តធ្វើការ រុករក និង ស្រាវជ្រាវ រកព័ត៌មានផ្សេង ដើម្បីដឹងពីអាថ៌កំបាំងនានា ទាក់ទងនឹង គ្រោងឆ្អឹង អាយុកាល ៣៥០០ ឆ្នាំ ទាំងនេះ។
ខាងក្រោមនេះ ជារូបភាពមួយចំនួន ដែលថតបាន នៅតាមផ្នូរមួយចំនួន ក្នុងចំណោម ផ្នូរជាង ៦០០ ដែលត្រូវបានអ្នកជំនាញ ធ្វើការពិនិត្យ។ សូមប្រិយមិត្ត ទស្សនារូបភាពខាងក្រោម៖










តើប្រិយមិត្តយល់យ៉ាងណាដែរ?   ប្រភពមកពី  khmer load

Read More

គូស្នេហ៏ចំនួន ៣០គូ រៀបការនៅលើភ្នំទឹកកកក្នុងពេលតែមួយ គួរឲ្យភ្ញាក់ផ្អើល

ចិន៖ យោងតាមប្រភពព័ត៌មាន បានឲ្យដឹងថា កាលពីថ្ងៃសៅរ៏ ទី២៨ ខែធ្នូ កន្លងទៅនេះ គូស្នេហ៏ជនជាតិចិន ចំនួន ៣០គូ បានបបួលគ្នាប្រារព្ធពិធីមង្គលការ យ៉ាងសប្បាយរីករាយ នៅលើភ្នំ Fairy Mountain ដែលគ្របដណ្តប់ទៅដោយព្រិលទឹកកក ស្ថិតក្នុងទីក្រុង Chongqing នៃប្រទេសចិន។
គូស្នេហ៏ចំនួន ៣០គូ មកពីបណ្តាខេត្តក្រុងជាច្រើន ដូចជា ខេត្ត Guangdong Guangxi Sichuan និងទីក្រុង Chongqing បានចុះឈ្មោះតាមអនឡាន ដើម្បីចូលរួមប្រារព្ធពិធីរៀបមង្គលការ នៅលើភ្នំទឹកកក Fairy Mountain នោះ។
ជាមួយគ្នានេះដែរ នៅក្នុងពីធីមង្គលការ នៃគូស្នេហ៏ទាំង ៣០គូនេះ ក៏មានភ្ញៀវដែលជាអ្នកទេសចរណ៏ជាច្រើននាក់ បានចូលរួមអបអរ និងឲ្យពរជ័យទៅដល់គូស្វាមីភរិយាថ្មីថ្មោង ទាំង ៣០គូនោះផងដែរ។ យ៉ាងណាមិញ ពិធីមួយនេះហាក់មានភាពប្លែក និងមើលទៅសប្បាយរីករាយ ខុសពីគូស្វាមីដែលរៀបការបែបធម្មតាៗ៕













តើប្រិយមិត្តយល់យ៉ាងណាដែរ ចំពោះការរៀបមង្គលការបែបនេះ?​​   ប្រភពមកពី​ khmer load

Read More

មនុស្សដែកឆក់ បានបំបែកកំណត់ត្រាពិភពលោក Guinness (មានវីដេអូ)

បុរសសញ្ជាតិ ចចចៀ ម្នាក់ វ័យ ៤២ឆ្នាំ បានបំបែកកំណត់ត្រាពិភពលោក Guinness ចាស់របស់ខ្លួន បានសំរេច កាលពីពេល ថ្មីកន្លងទៅនេះ។
លោក Etibar Elchiyev ជាអតីត គ្រូបង្វឹកប្រដាល់សេរី មួយរូប ដែលមានសមត្ថភាព យ៉ាងអស្ចារ្យ ក្នុងការ ធ្វើឲ្យស្លាបព្រាបាយ ចំនួន ៥៣ ដើម ឆក់ជាប់នៅលើ ខ្លួនប្រាណរបស់លោក កាលពីថ្ងៃសៅរ៍ កន្លងទៅនេះ ដែលនាំឲ្យលោក អាចបំបែកកំណត់ត្រាចាស់ កាលពីខែធ្នូ ឆ្នាំ ២០១១ បានសំរេច ដែលកាលនោះ លោកអាចធ្វើបាន ត្រឹម ៥០ដើម។
លោក ត្រូវបានគេដាក់រហ័សនាមឲ្យថា ជាមនុស្សដែកឆក់។ ចង់ជ្រាបថា គាត់មានសមត្ថភាព អស្ចារ្យយ៉ាងណានោះ សូមទស្សនាវីដេអូឃ្លីប ខាងក្រោមទាំងអស់គ្នា៖
តើប្រិយមិត្តយល់យ៉ាងណាដែរ?
ប្រភពមកពី khmer load

Read More

ឆេះតូបលក់ដូរ ក្នុងផ្សារលើ ក្រុងព្រះសីហនុ តែសំណាងល្អ ជួយពន្លត់ទាន់

ព្រះសីហនុ ៖ តូបលក់ដូរចំនួន២ នៅក្នុងផ្សារលើ ក្រុងព្រះសីហនុ ខេត្តព្រះសីហនុ ត្រូវបានភ្លើងឆាបឆេះ កាលពីវេលាម៉ោង ប្រមាណ ៨ និង៣០នាទីយប់ ថ្ងៃទី៣០ ខែធ្នូ ឆ្នាំ២០១៣នេះ បង្កឲ្យមានការភ្ញាក់ផ្អើល ដល់ប្រជាពលរដ្ឋ ជាពិសេស ក្រុមអាជីវករ ដែលមានតូបនៅក្នុងផ្សារ ដោយសារ តែបាតុភាពនេះ ធ្លាប់កើតឡើង នាពេលកន្លងទៅ និងខាតបង់ទ្រព្យសម្បត្តិដ៏ធំធេង ។
យ៉ាងណាក៏ដោយ ចំពោះគ្រោះអគ្គិភ័យ ខាងលើនេះ ត្រូវបានក្រុមសមត្ថកិច្ច និងអាជ្ញាធរ ព្រមទាំង ប្រជាពលរដ្ឋ ជួយពន្លត់ទាន់ពេលវេលា កុំអីនឹងក្លាយទៅ ជាយ៉ាងណានោះទេ ។ សេចក្តីរាយការណ៍ ពីកន្លែងកើតហេតុ បាន ឲ្យដឹងថា នៅវេលាម៉ោងខាងលើនេះ មានផ្សែងហុយចេញពីតូបលក់ខោអាវ និងលក់មាស ទើធ្វើឲ្យ មានភ្ញាក់ផ្អើល ដល់ប្រជាពលរដ្ឋ និងក្រុមអាជីវករ នាំគ្នាឆ្លេឆ្លា និងនាំគ្នាជួយ ពន្លត់ជាបន្ទាន់ ។ ជុំវិញករណីនេះ ស្នងការនគរបាល ខេត្តព្រះសីហនុ លោកឧត្តមសេនីយ៍ទោ តាក វណ្ណថា បានប្រាប់ មជ្ឈមណ្ឌលព័ត៌មាន ដើមអម្ពិលឲ្យដឹងថា ក្រោយ ទទួលព័ត៌មានភ្លាម លោកបានបញ្ជាឲ្យ បញ្ជូនរថយន្តពន្លត់អគ្គិភ័យ ទៅជួយ អន្តរាគមន៍បាត់ពន្លត់ភ្លាមៗ។
សេចក្តីរាយការណ៍ ពីប្រជាពលរដ្ឋបានឲ្យដឹងថា រថយន្តពន្លត់អគ្គិភ័យ ចំនួន៣គ្រឿង បានធ្វើដំណើរ មកជាបន្តបន្ទាប់ ដើម្បីបាញ់ពន្លត់ ហើយមួយសន្ទុះក្រោយមកភ្លើងក៏បានរលត់ទៅវិញ ទាំងស្រុងតែម្តង។ យ៉ាងណាក៏ដោយ មិនទាន់ដឹងពីទំហំនៃការខូចខាតនៅឡើយទេ ប៉ុន្តែតូបចំនួន២ប៉ុណ្ណោះ ដែលរងការឆាបឆេះ៕























ប្រភពមកពី​ដើមអម្ពិល

Read More