ជាប់​គុក​៣​ឆ្នាំ​កន្លះ​ចេញ​មក​វិញ​បាន​១ខែ ចាប់​ក្មេង​ស្រី​អាយុ​១០​ឆ្នាំ​​រំលោភ​ ត្រូវ​នគរបាល​ចាប់បញ្ជូន​ចូល​​គុក​វិញ​

ខេត្តកំពង់ចាម ៖ អតីតទណ្ឌិតម្នាក់ ទើបតែចេញពីពន្ធនាគារខេត្តបាន១ខែ ត្រូវសមត្ថកិច្ចចាប់ខ្លួនបាន កាលពីវេលាម៉ោង១ និង៣០នាទីរសៀល ថ្ងៃទី៣០ ធ្នូ ២០១៣ បន្ទាប់ពីជននេះធ្វើសកម្មភាព ចាប់រំលោភក្មេងស្រីអាយុ១០ឆ្នាំ កាលពីវេលាម៉ោង១២ និង៣០នាទីថ្ងៃត្រង់ ថ្ងៃទី៣០ ធ្នូ ២០១៣ នៅលើគំនរចំបើងមួយស្ថិតនៅខាងកើតភូមិប្រឡោះ។

លោកវរសេនីយ៍ត្រីហុង គឹមហឿន អធិការនគរបាលស្រុកតំបែរបានឱ្យដឹងថា កាលពីវេលាម៉ោង១២ និង៤០នាទីថ្ងៃត្រង់ថ្ងៃដដែល លោកនាយប៉ុស្តិ៍រដ្ឋបាលឃុំត្រពាំងព្រីងបានទទួលទូរស័ព្ទពីមេ ភូមិប្រឡោះថា មានករណីចាប់រំលោភសេពសន្ថវៈ ដែលបង្កដោយឈ្មោះម៉ុន មឿន ទៅលើក្មេងស្រីម្នាក់អាយុ១០ឆ្នាំ ហើយរត់គេចខ្លួនបាត់។

លោកអធិការបន្តថា បន្ទាប់ពីទទួលបានដំណឹងនេះ លោកបានបញ្ជាឱ្យកម្លាំងប៉ុស្តិ៍បើកកិច្ចប្រតិបត្តិការតាម ប្រម៉ាញ់ជនល្មោភកាមនេះរហូតដល់វេលាម៉ោង១ និង៣០នាទីរសៀលថ្ងៃដដែលក៏បានប្រទះឃើញជនសង្ស័យកំពុងដើរតែម្នាក់ ឯងនៅក្នុងភូមិបង្ហើរក្លែង ឃុំត្រពាំងព្រីង ក៏ឃាត់ខ្លួនមកកាន់អធិការដ្ឋាននគរបាលស្រុកតំបែរដើម្បីសួរនាំ។

គួរបញ្ជាក់ថា ជននេះធ្លាប់ជាប់គុកចំនួន៣ឆ្នាំកន្លះពីបទរំលោភសេពសន្ថវៈក្មេងស្រីរស់នៅស្រុកតំបែរនេះដែរ ៕

ប្រភពមកពី khmer load