ជួបជាមួយស្រ្តីមានគូទធំបំផុត លើពិភពលោក (មានវីដេអូ)

អង់គ្លេស៖ យោងតាមប្រភពព័ត៌មាន ម៉េត្រូ របស់ប្រទេសអង់គ្លេស បានឲ្យដឹងថា ស្រ្តីវ័យ ៣៣ឆ្នាំម្នាក់ មានឈ្មោះថា Sarah Massey រស់នៅក្នុងទីក្រុង Chicago នៃសហរដ្ឋអាមេរិក  បានក្លាយជាស្រ្តីទី៣២ ដែលមានគូទទំហំ ៧ហ៊ូត ឬ ២.១៣ម៉ែត្រ ហើយបានជាប់ឈ្មោះជា ស្រ្តីដែលមានគូទធំបំផុតនៅលើពិភពលោក។
ស្រ្តីជាម្តាយវ័យ ៣៣ឆ្នាំរូបនេះ មានកូនចំនួន ២នាក់ ប៉ុន្តែខោដែលនាងស្លៀក គឺទំហំ ១០XL ហើយនាងធ្លាប់ធ្វើឲ្យចានបង្គន់បែក ដោយសារតែអង្គុយពីលើទៀតផង។
បើតាមសម្តីរបស់ Massey បាននិយាយថា “ជារៀងរាល់ថ្ងៃ ខ្ញុំទទួលបានការ comment ពីអ្នកប្រើប្រាស់បណ្តាញសង្គមជាច្រើន មានទាំងល្អ និងអាក្រក់។ ខ្ញុំធ្លាប់ទទួលរងការអាម៉ាស់ និងខ្មាស់គេយ៉ាងខ្លាំង។ នៅឯសាលារៀន ខ្ញុំទទួលបានការចំអក ហើយត្រូវក្មេងៗហៅខ្ញុំថា ‘Dump Truck Butt’ ប៉ុន្តែចំពោះរូបរាងខ្ញុំបែបនេះ គឺជាតំណរពូជ ដូច្នេះខ្ញុំមិនអាចធ្វើអ្វីបានឡើយ”។
ស្រ្តីរូបនេះបានបន្ថែមទៀតថា “ខ្ញុំធ្លាប់បានបារម្ភពីការគិតរបស់មនុស្សគ្រប់គ្នា ប៉ុន្តែនៅពេលនេះ ខ្ញុំចង់បង្ហាញឲ្យពិភពលោកទាំងមូលដឹងថា ខ្ញុំមានមោទនភាពណាស់ចំពោះខ្លួនខ្ញុំ”។
ជាមួយគ្នានេះដែរ Massey មិនត្រឹមតែមានគូទធំនោះទេ នាងថែមទាំងមានមាឌធំទៀត ជាហេតុធ្វើឲ្យនាងគិតថា រូបរាងរបស់នាង អាក្រក់ខុសពីមនុស្សធម្មតា ដូច្នេះនាងតែងតែដើរផ្លូវខាងៗ និងមិនសូវហ៊ានចេញមុខ នៅទីប្រជុំជនឡើយ។ ម៉្យាងទៀតនាងបានចំណាយប្រាក់ចំនួន ៤០០ផោន ឬ ៦៥០ដុល្លារក្នុងមួយខែ ទៅលើការទិញខោអាវ។
ទោះបីជាយ៉ាងណាក៏ដោយ ឥឡូវនេះ Massey បានរៀបគំរោងធ្វើលំហាត់ប្រាណ ដើម្បីសម្រកទំងន់នាង៕
សូមទស្សនាវីដេអូខាងក្រោមទាំងអស់គ្នា៖
ប្រភពមកពី khmer load